शीर्ष स्थानमा रियल, एथ्लेटिको स्तब्ध

  • २३
  • आइतबार, ५ माघ २०७६


चौथो स्थानमा रहेको सेभियाबिरुद्ध २–१ को संघर्षपूर्ण जीत निकाल्दै रियल म्याड्रिड स्पेनिस ला लिगाको शीर्ष स्थानमा उक्लिएको छ ।


शनिबार राति रियलको घरेलु मैदान स्यान्टियागो बर्नेबाउमा भएको खेलमा ब्राजिलियन मिडफिल्डर कासिमेरोको दुई गोलको मद्दतले रियलले महत्त्वपूर्ण तीन अंक बटुल्न सफल भएको हो ।
पहिलो हाफ गोलरहित बराबरीमा टुङ्गिए पनि दोस्रो हाफको ५७ औँ मिनेटमा लुका योभिचको पासमा कासिमेरोले रियललाई अग्रता दिलाए । तर, रियलको अग्रता लामो समय भने टिकेन । लगत्तै लुक डि योङले सेभियाका लागि बराबरी गोल फर्काए ।


तर, त्यसको पाँच मिनेटपछि नै कासिमेरोले लुकास भाज्क्वेसको क्रसमा हेडमार्फत गोल गर्दै रियलको जीत सुनिश्चित गरे ।


यसअघि पहिलो हाफमा सेभियाको गोल भिडियो एसिस्टेन्ट रेफ्री ९भार० को सहयोगमा रद्द भएको थियो ।


जीतपछि २० खेलबाट रियलले ४३ अंक बटुल्दै लिगको शीर्ष स्थानमा उक्लेको छ । यसअघि अंक बराबर रहेको बार्सिलोना तीन अङक्ले पछि पर्दै दोस्रो स्थानमा रहेको छ । तर, बार्साले एक खेल कम खेलेको छ ।

 


शनिबार नै भएको अर्को खेलमा उपाधि दाबेदार मानिएको एथ्लेटिको म्याड्रिड इबारसँग २–० गोलअन्तरले स्तब्ध बनेको छ । हारपछि एथ्लेटिको शीर्ष स्थानमा रहेको रियलभन्दा ८ अङ्कले पछि परेको छ ।

अन्य खेलमा आलाभेसले लेभान्तेलाई १–० ले हरायो भने ओसासुना र रियल भालाडोलिडले गोलरहित बराबरी खेले ।

हाम्रो बारेमा

तपाईको सूचनालाई हामी समाचारका रुपमा प्रस्तुत गर्दै जानेछौं । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा सुनाखरी पाटीले कहिल्यै कसैसँग सम्झौता गर्ने छैन ।

सम्पर्क ठेगाना

सुनाखरीपाटी मिडिया प्रा.लि.
भक्तपुर नगरपालिका–१, भक्तपुर
सुचना तथा प्रसारण विभाग नं. १६३५/०७६–७७

सम्पादकः रोशन सिल्पकार

सञ्चालकः शिवराम पालुबञ्जार

सम्पर्क नं. ९८४१७९५६८७/९८४१३००७०४

विज्ञापनका लागि: ९८४१७९५६८७

Email : sunakharipati@gmail.com

© 2018 सुनाखरी पाटी. All Rights Reserved

Developed by : NCS.Technology | Powered by : NepBay Inc.