माननीय बने दीपक मनाङे: प्रदेश सभा पुगेर लिए शपथ

काठमाडौंः मनाङ ‘ख’ बाट गण्डकी प्रदेशसभामा निर्वाचित राजीव गुरुङ उर्फ दीपक मनाङेले पद तथा गोपनीयताको सपथ लिएका छन्।

सोमबार उनलाई गण्डकी प्रदेशका सभामुख नेत्रनाथ अधिकारीले प्रदेशसभा सचिवलायमा सपथ खुवाएका हुन् ।

सपथ खुवनए लगत्तै सभामुखले टीका लगाइदिए र उपसभामुख र आन्तरिक मामिला तथा कानूनमन्त्री हरिबहादुर चुमानले बधाइ दिएका थिए ।

मनाङे समूहले २०६१ सालमा मिलन चक्रेलाई तरबार प्रहार गरेको थियो। सोही अभियोगमा मनाङेमाथि कर्तव्य ज्यान मुद्दा दर्ता भएको थियो। जिल्ला अदालत काठमाडौंले कर्तव्य ज्यानमुद्दा नभई कुटपिट ठहर २ वर्ष जेल सजाय सुनाएको थियो।

गत माघमा सर्वोच्च अदालतले ज्यान मार्ने उद्योगमा ५ वर्ष जेल सजाय गर्ने पुनरावेदन अदालतको सजाय सदर गरेपछि उनले सांसदको सपथ लिन पाएका थिएनन्।

स्वतन्त्र उम्मेदवार बनेका उनलाई वाम गठबन्धनले समर्थन गरेको थियो ।