देख्न नखोज्नेहरुले आफ्नै अगाडिको विकास पनि देखेनन् : प्रधानमन्त्री ओली

  • ८४
  • बिहीवार, २० फाल्गुण २०७७


काठमाडौँ– प्रधानमन्त्री केपी शर्मा ओलीले आफूलाई मधेश पस्न नदिए पनि सिँचाइका लागि पानी पसाएरै छाड्ने बताएका छन् ।

सुनकोशी–मरिन डाइभर्सन बहुउद्देश्यीय आयोजना निर्माण कार्यको बिहीबार सिन्धुली जिल्लामा शिलान्यास गर्दै प्रधानमन्त्री ओलीले आफू मधेश विरोधी नभएको दोहोर्‍याए ।

‘केपी ओलीलाई मधेश विरोधी भन्थे । केपी ओलीलाई पस्न नदिए हुन्छ ।’ उनले भने, ‘तर केपी ओलीले तपाईंका खेतमा पानी भने पसाउँछ । तपाईंका सुख्खा खेतलाई चिसा चाहिँ बनाइ दिन्छ केपी ओलीले ।’

‘म मुख्यमन्त्रीमार्फत तराई मधेशमा खबर पठाउन चाहन्छु, केपी ओलीलाई पस्न नदिए पनि हुन्छ । तर, पानी पस्न चाहिँ नरोक्नु होला ।’ उनले भने ।

यो आयोजनापछि अर्को आयोजना सुनकोशी कमला डाइभर्सनको निर्माण गरिने बताउँदै उनले भने, ‘उक्त आयोजनाले धनुषा, सिरहा, सप्तरी जिल्लाको करिब १ लाख ७० हजार बिघा जमिनमा सिँचाइ गर्छ ।’

यो आयोजनाले १ लाख ७० हजार बिघा जमिनमा सिँचाइ हुन थालेपछि प्रदेश २ का मधेशका जनताले आफैँ नगरा बझाउने उनले बताए । उनले भने, ‘त्यसपछि कुनै राजनीतिक पार्टी चाहिँदैन, जनता आफैँले नगरा बझाउने छन् ।’

प्रधानमन्त्री ओलीले देख्न नखोज्नेहरूले धमाधम भइरहेको विकास निर्माणलाई नदेखको बताए ।

‘मदन भण्डारी राजमार्ग यहीँबाट गइरहेको छ, देख्न नखोज्नेहरुले मास्तिरको डिलबाट गइरहेको मदन भण्डारी राजमार्ग देख्दैनन्,’ उनले भने, ‘देख्न नखोज्नेहरुले यो अगाडिको पुल पनि देख्दैनन् । देख्न नखोज्नेहरुले अरु विकास पनि भएको देख्दैनन् । तर, अब जनतलाई कसैले अलमल्याउन सक्दैन ।’

सिन्धुली जिल्लाका कलाकार टिमलाई बाद्यबाधन तथा भेषभुषा किन्नका लागि डेढ लाख रुपैयाँ सहयोग दिने घोषणा गरे ।

भर्खरै

हाम्रो बारेमा

तपाईको सूचनालाई हामी समाचारका रुपमा प्रस्तुत गर्दै जानेछौं । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा सुनाखरी पाटीले कहिल्यै कसैसँग सम्झौता गर्ने छैन ।

सम्पर्क ठेगाना

सुनाखरीपाटी मिडिया प्रा.लि.
भक्तपुर नगरपालिका–१, भक्तपुर
सुचना तथा प्रसारण विभाग नं. १६३५/०७६–७७

सम्पादकः रोशन सिल्पकार

सञ्चालकः शिवराम पालुबञ्जार

सम्पर्क नं. ९८४१७९५६८७/९८४१३००७०४

विज्ञापनका लागि: ९८४१७९५६८७

Email : sunakharipati@gmail.com

© 2018 सुनाखरी पाटी. All Rights Reserved

Developed by : NCS.Technology | Powered by : NepBay Inc.