अमेरिकामा सुरु भयो युट्युबको ‘टिकटक’

  • ९२
  • बिहीवार, १२ चैत्र २०७७


टिकटकको प्रतिस्पर्धीका रुपमा लिइएको छोटो भिडियोहरु तयार गर्ने तथा शेयर गर्ने प्लाटफर्म युट्युब शर्ट अमेरिकामा सुरु भएको छ ।

बिहीबारदेखि आगामी केही हप्तासम्म शर्टको बेटा प्रोग्रामलाई अमेरिकामा विस्तार गरिने युट्युबले जनाएको छ ।


यसअघि युट्युबको टिकटक भनिने शर्टको भारतमा परीक्षण भएको छ । अहिले विश्वभरकै प्रयोगकर्ताहरुले यो प्लाटफर्मका सामग्रीहरु हेर्न पाउने भएपनि भारत र अमेरिका बाहेकका प्रयोगकर्ताले त्यसमा भिडियो बनाएर पोस्ट गर्न भने सक्दैनन् ।

युट्युबका अनुसार प्रयोगकर्ताले शर्टमा आफ्ना मोबाइल फोनबाटै छोटो तथा आकर्षक भिडियोहरु खिच्न सक्दछन् । शर्टमा प्रयोगकर्ताले भिडियो क्लिपहरु आपसमा जोड्न, म्युजिक हाल्न र ह्याण्डस फ्रिमा टाइमर र काउन्टडाउनसहित भिडियो रेकर्ड गर्न सक्दछन् । अर्थात् टिकटकमा हाल उपलब्ध सबैजसो फिचरहरु शर्टमा उपलब्ध छन् ।

बिहीबार युट्युबले शर्टमा रहेको नयाँ टुल्स सार्वजनिक गरेको छ । जसबाट प्रयोगकर्ताले शर्टमा रहेका विभिन्न भिडियोहरुबाट अडियो मात्र निकालेर आफूले तयार पारेका भिडियोमा रिमिक्स गर्न सक्नेछन् । साथै आफूले सिर्जना गरेका त्यस्ता भिडियोका बीचबीचमा अक्षरहरु पनि लेख्न सकिन्छ ।

टिकटकको लोकप्रियताका बाबजुत अमेरिका र चीनबीचको व्यापार युद्धका कारण अमेरिकामा टिकटकको भविष्य माथि प्रश्नचिन्ह खडा भइरहेको अवस्थालाई मध्यनजर गर्दै विभिन्न कम्पनीहरुले टिकटकका प्रतिरुपहरु घोषणा गरिरहेका छन् ।

इन्स्टाग्रामले अमेरिका र अन्य मुलुकहरुमा टिकटकजस्तै भिडियो शेयरिंग प्लाटफर्म रिल्स लञ्च गरेको छ भने स्नापच्याटले स्पटलाइन फिचर सुरु गरेको छ । त्यस्तै टिकटकको अर्को अमेरिकी प्रतिस्पर्धी डब्सम्यासलाई रेडिटले गत वर्ष खरिद गरेको थियो ।

युट्युब शर्टस्का प्रमुख टोड शेम्र्यानका अनुसार कम्पनीले सिर्जनामा रहेका अड्चनहरु हटाउने कोसिस गरिरहेको छ । यसले नयाँ पुस्ताका प्रतिभाहरुलाई दर्शक श्रोता फेला पार्न सहयोग गर्नेछ ।

-सीएनएनबाट

भर्खरै

हाम्रो बारेमा

तपाईको सूचनालाई हामी समाचारका रुपमा प्रस्तुत गर्दै जानेछौं । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा सुनाखरी पाटीले कहिल्यै कसैसँग सम्झौता गर्ने छैन ।

सम्पर्क ठेगाना

सुनाखरीपाटी मिडिया प्रा.लि.
भक्तपुर नगरपालिका–१, भक्तपुर
सुचना तथा प्रसारण विभाग नं. १६३५/०७६–७७

सम्पादकः रोशन सिल्पकार

सञ्चालकः शिवराम पालुबञ्जार

सम्पर्क नं. ९८४१७९५६८७/९८४१३००७०४

विज्ञापनका लागि: ९८४१७९५६८७

Email : sunakharipati@gmail.com

© 2018 सुनाखरी पाटी. All Rights Reserved

Developed by : NCS.Technology | Powered by : NepBay Inc.