शरमनलाई ट्वाइलेटमा गरिएको थियो ‘थ्री इडियट्स’को अफर

  • १७९
  • बुधबार, १५ बैशाख २०७८

काठमाडौँ । तपाईंले फिल्म ‘थ्री इडियट्स’ हेर्नुभएको छ भने फिल्ममा राजुको चरित्रमा अभिनय गर्ने कलाकार शरमन जोशीलाई पक्कै याद गर्नुभएको होला । फिल्ममा उनको चरित्रलाई धेरैले मनपराए ।

तर यो फिल्ममा उनले अभिनयको प्रस्ताव आउनुको पछाडि एउटा गज्जब किस्सा छ । त्यो के हो भने उनलाई यो फिल्मका लागि निर्देशक राजकुमार हिरानीले ट्वाइलेटमा अभिनयको प्रस्ताव गरेका थिए ।

आजतकमा प्रकाशित समाचार अनुसार शरमनले एक लाइभ च्याट शोमा आफूलाई ट्वाइलेटमा हिरानीले अफर गरेको खुलाएका छन् । ‘म एक मिटिङमा गएको थिएँ । तर त्यो मिटिङ हुन समय लागेपछि म फिल्म हेर्नका लागि थिएटर पुगें । जहाँ मैले निर्देशक राजकुमार हिरानीलाई देखें । तर उहाँ अन्य व्यक्तिसँग कुराकानीमा व्यस्त हुनुहुन्थ्यो । त्यहाँ डिस्टर्ब गर्नुहुँदैन भनेर म काउण्टर तिर पुगें । तर टिकट पाइएन’, उनले भनेका छन् ।

उनी टिकट नपाएपछि फर्किन लागेका थिए । त्यही बेला निर्देशक हिरानीले उनको नाम बोलाए । आफ्नो नामबाट बोलाएपछि शरमन निकै खुशी भए । ‘मलाई तिम्रो काम मनपरेको छ । एक फिल्मका लागि तिमीसँग कुराकानी गर्नुपर्नेछ । म चाँडै तिमीलाई सम्पर्क गर्नेछु’, आफूलाई हिरानीले भनेको कुरा उनी सम्झन्छन् ।

तर केही समय बिते पनि उनलाई कुनै फोन आएन । तर एकदिनम उनले एक अडिटोरियमको ट्वाइलेटमा राजकुमारलाई भेटे । त्यो बेला उनले आफूसँग एक फिल्मको कथा रहेको र त्यसको एक चरित्रका लागि शरमनसँग कुरा गर्ने बताए ।
‘हिरानीसँग जतिपटक फिल्मको बारे सल्लाह गर्न भेट भयो, त्यो स्थान ट्वाइलेट नै थियो । अन्तिम पटक त्यहाँ भेट्दा चाहिँ उहाँले मलाई अफिसमै बोलाउनुभयो । अनि अडिसन दिएँ र थ्री इडियट्समा मौका पाएँ’, उनले भनेका छन् ।

शरमनले ‘लज्जा’, ‘स्टाइल’, ‘एक्सक्युज मी’, ‘शादी नम्बर १’ र ‘रंग दे बसन्ती’ जस्ता फिल्ममा अभिनय गरेका छन् । उनले ‘थ्री इडियट्स’, ‘रंग दे वसन्ती’ र ‘गोलमाल’बाट पहिचान पाए ।

शरमदन बलिउडका प्रख्यात अभिनेता प्रेम चोपडाका ज्वाइँ हुन् । शरमनले उनकी छोरी प्रेरणासँग सन् २००० मा विवाह गरेका थिए ।

हाम्रो बारेमा

तपाईको सूचनालाई हामी समाचारका रुपमा प्रस्तुत गर्दै जानेछौं । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा सुनाखरी पाटीले कहिल्यै कसैसँग सम्झौता गर्ने छैन ।

सम्पर्क ठेगाना

सुनाखरीपाटी मिडिया प्रा.लि.
भक्तपुर नगरपालिका–१, भक्तपुर
सुचना तथा प्रसारण विभाग नं. १६३५/०७६–७७

सम्पादकः रोशन सिल्पकार

सञ्चालकः शिवराम पालुबञ्जार

सम्पर्क नं. ९८४१७९५६८७/९८४१३००७०४

विज्ञापनका लागि: ९८४१७९५६८७

Email : sunakharipati@gmail.com

© 2018 सुनाखरी पाटी. All Rights Reserved

Developed by : NCS.Technology | Powered by : NepBay Inc.