माधव नेपालसँगको भेटपछि नेम्बाङले भने : खुलस्त कुरा भयो, ती कुरा पार्टी अध्यक्षसामु पुर्‍याउँछौँ

  • १५२
  • आइतबार, २६ बैशाख २०७८


काठमाडौँ– राजीनामा बुझाउन संघीय संसद सचिवालयमा पुगेका एमाले वरिष्ठ नेता माधवकुमार नेपालसँग नेताहरु विष्णु पौडेल र सुवास नेम्वाङबीच भएको छलफल सकिएको छ ।

छलफलमा सहभागी एमाले नेता सुवा नेम्बाङका अनुसार आजको छलफलका क्रममा पार्टीभित्र देखिएको विवादका विषयमा गम्भिर छलफल भएको छ । छलफल सकिएपछि उनले भने,‘खुलस्त कुरा भयो । प्रधानमन्त्रीको चिन्ता र सरोकार माधवकुमार नेपालसमक्ष राख्यौँ । सम्पूर्ण पार्टीपंक्तिको चिन्ता र सरोकार राख्यौँ। उहाँले पनि आफ्ना कुरा खुलस्त भन्नुभयो । हामीले ति कुराहरु पार्टी अध्यक्षसँग पुर्‍याउँछौं ।’

पार्टी एकतालाई वलियो बनाएर लैजानुपर्छ भन्ने विषयमा वरिष्ठ नेता माधवकुमार नेपाल समेत सकारात्मक देखिएको पाइएको उनले जानकारी दिए । उनले भने,‘पार्टी एकतालाई बलियो बनाउने विषय हाम्रो कुराकानीमा पनि त्यो प्रतिबिम्बित भएको पायौँ ।’

पार्टीभित्र देखिएको विवाद समाधानका लागि सकभर छिटो फेरि छलफल गरेर टुंगोमा पुग्ने नेता नेम्वाङले बताए ।

उनले भने,‘भरसक चाँडो टुंगोमा पुर्‍याउनका लागि ठोस रुपमा के आधारहरु हुनसक्छन् त्यसबारेमा सल्लाह गर्न पार्टीलाई एकताबद्ध बनाउने बारेमा फेरि पनि छलफल गर्ने भन्ने निष्कर्षका साथ छलफल सकिएको छ ।’

भोलि बिहान समेत छलफल हुनसक्ने बताएका नेता नेम्वाङले फेरि कहिले छलफल गर्ने भन्ने खुलाएनन् ।

नेता पौडेल र नेम्वाङसँगको छलफल सकिएपछि वरिष्ठ नेता नेपाल समूहका सांसदहरुको बैठक सिंहदरबारमा शुरु भएको छ ।

हाम्रो बारेमा

तपाईको सूचनालाई हामी समाचारका रुपमा प्रस्तुत गर्दै जानेछौं । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा सुनाखरी पाटीले कहिल्यै कसैसँग सम्झौता गर्ने छैन ।

सम्पर्क ठेगाना

सुनाखरीपाटी मिडिया प्रा.लि.
भक्तपुर नगरपालिका–१, भक्तपुर
सुचना तथा प्रसारण विभाग नं. १६३५/०७६–७७

सम्पादकः रोशन सिल्पकार

सञ्चालकः शिवराम पालुबञ्जार

सम्पर्क नं. ९८४१७९५६८७/९८४१३००७०४

विज्ञापनका लागि: ९८४१७९५६८७

Email : sunakharipati@gmail.com

© 2018 सुनाखरी पाटी. All Rights Reserved

Developed by : NCS.Technology | Powered by : NepBay Inc.