वडा नं. १ ले गर्यो किसानलाई गहुँ र आलुको बीउ वितरण

  • १६२
  • मंगलवार, ३० कार्तिक २०७८


भक्तपुर । भक्तपुर नगरपालिका वडा नं. १ को आयोजनामा मंगलबार वडाबासी किसानहरुलाई उन्नत जातको गहुँ र आलुको बीउ वितरण गरेको छ । उक्त कार्यक्रममा भक्तपुर नगरपालिकाका प्रमुख सुनिल प्रजपातिले किसानहरुको प्राथमिकताका आधारमा १ पाठी गहुँ वा पाँच किलो आलुको बीउ वितरण हस्तान्तरण गर्नुभएको हो ।

कार्यक्रममा प्रमुख प्रजापतिले गहुँ बालीका लागि रसायनिक मलको अभाव हुन नदिन नगरपालिकाले मलको सिफारिस दिन सुरु गरेको बताउनुहुँदै नेपालमा वर्षेनी अरबौंको धानको बीऊ आयात हुने क्रम जारी रहेको र देश परनिर्भरतातर्फ धकेलिँदै गएकोमा चिन्ता व्यक्त गर्नुभयो । नेमकिपाले भक्तपुरमा चलाएको किसान आन्दोलनबाट बहुसंख्यक किसानहरुको हित भएको बताउनुहुँदै उहाँले कामदार वर्गको हितमा काम गर्ने नेमकिपाको मुख्य उद्देश्य रहेको प्रष्ट बताउनुभयो । उहाँले किसानको उत्पादकत्व बढाउन र किसानलाई प्रोत्साहित गर्ने हेतुले नगरपालिकाले उन्नत जातका बीऊ विजनको वितरण गर्दै आइरहेको बताउनुभयो ।

कोभिडविरुद्धको खोप निकै प्रभावकारी देखिएकोले हाल कोभिडविरुद्धको फाइजर खोप अभियान सञ्चालन भइरहेको अवगत गराउनुहुँदै प्रमुख प्रजापतिले भक्तपुर नपाले आधुनिक प्रविधिको प्रयोग गरी कुहिने बस्तुहरूलाई कम्पोष्ट मल बनाई सस्तोमा किसानहरूलाई विक्री वितरण गर्न तयारीमा रहेकोे जानकारी गराउनुभयो । कार्यक्रममा भक्तपुर नपा वडा नं. १ का वडाध्यक्ष श्यामकृष्ण खत्रीले वडाबासी किसानहरुको उत्पादकत्व बढाउन नगरपालिकाले हरेक वर्ष उन्नत जातको बीऊ विजन वितरण गर्दै आइरहेको बताउनुभयो ।
भक्तपुर नपाले गरेको सहकारी अनुगमनका क्रममा सहकारी संस्थाका सञ्चालक सदस्यहरुले समेत आर्थिक हिनामिनामा संलगनता रहकोतर्फ वडाबासीहरु सचेत हुनुपर्ने उहाँले बताउनुभयो ।
कार्यक्रममा नेमकिपा भनपा वडा नं. १ का पार्टी इन्चार्ज लक्ष्मीनारायण राजलवट र वडाका कृषि समितिका पुण्यराम बाइजुले पनि बोल्नुभएको थियो ।

हाम्रो बारेमा

तपाईको सूचनालाई हामी समाचारका रुपमा प्रस्तुत गर्दै जानेछौं । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा सुनाखरी पाटीले कहिल्यै कसैसँग सम्झौता गर्ने छैन ।

सम्पर्क ठेगाना

सुनाखरीपाटी मिडिया प्रा.लि.
भक्तपुर नगरपालिका–१, भक्तपुर
सुचना तथा प्रसारण विभाग नं. १६३५/०७६–७७

सम्पादकः रोशन सिल्पकार

सञ्चालकः शिवराम पालुबञ्जार

सम्पर्क नं. ९८४१७९५६८७/९८४१३००७०४

विज्ञापनका लागि: ९८४१७९५६८७

Email : sunakharipati@gmail.com

© 2018 सुनाखरी पाटी. All Rights Reserved

Developed by : NCS.Technology | Powered by : NepBay Inc.