भक्तपुरमा कोभिडविरुद्धको बुस्टर डोज खोप दिन सुरु

  • २२२
  • बुधबार, ५ माघ २०७८


भक्तपुर । कोभिड संक्रमितको संख्या निरन्तर बढिरहँदा भक्तपुरमा आजदेखि बुस्टर डोज दिन सुरु गरिएको छ । भक्तपुर नगरपालिकामा आजदेखि कोभिडविरुद्धको बुस्टर डोज दिन सुरु गरेको छ । भक्तपुर नपाले पहिलो चरणमा बुस्टर डोज अग्रपंक्तिमा रहेर काम गर्ने सफाइ मजदुर, चालक, जनप्रतिनिधि, पत्रकार, सुरक्षाकर्मी र नगरपालिकाका कर्मचारीहरुलाई खोप वितरण सुरु गरेको हो । सोही क्रममा नेमकिपा बागमती प्रदेश सांसदद्वय सुरेन्द्रराज गोसाइँ, सृजना सैंजु, भक्तपुर नपाका उपप्रमुख रजनी जोशी तथा भक्तपुर नपाका वडाध्यक्ष, कार्यपालिका सदस्य र वडा सदस्यलगायतले पनि कोभिडविरुद्धको बुस्टर डोज खोप आज लगाउनुभएको हो । तत्कालका लागि अग्रपंक्तिमा काम गर्नेहरुलाई मात्र बुस्टर डोज लगाइएको भक्तपुर नपाका प्रशासकीय अधिकृत दामोदर सुवालले बताउनुभयो । साथै आजमात्र ६५ जना पुरुष र १६ जना महिला गरी जम्मा ८१ जनाले भेरोसेलको बुस्टर डोज खोप लगाएका छन् भने १३२ जना पुरुष र ६८ जना महिला गरी जम्मा २०० जनाले कोभिसिल्ड बुस्टर डोज खोप लगाएका छन् । खोप लगाउनेहरुमा जनप्रतिनिधि ३१ जना, कर्मचारी २५० जना जसमध्ये सफाइ मजदुर ६३ जना, ड्राइभर ७ र पत्रकार ४ जना र बाँकी जनप्रतिनिधि र कर्मचारी रहेको उहाँले बताउनुभयो । बुस्टर मात्रा लगाउन दुवै मात्रा खोप लगाएको कम्तीमा ६ महिना पूरा हुनुपर्ने र यसअघिको खोप कार्ड पनि अनिवार्य साथमा लानुपर्ने व्यवस्था गरेको थियो ।

भर्खरै

हाम्रो बारेमा

तपाईको सूचनालाई हामी समाचारका रुपमा प्रस्तुत गर्दै जानेछौं । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा सुनाखरी पाटीले कहिल्यै कसैसँग सम्झौता गर्ने छैन ।

सम्पर्क ठेगाना

सुनाखरीपाटी मिडिया प्रा.लि.
भक्तपुर नगरपालिका–१, भक्तपुर
सुचना तथा प्रसारण विभाग नं. १६३५/०७६–७७

सम्पादकः रोशन सिल्पकार

सञ्चालकः शिवराम पालुबञ्जार

सम्पर्क नं. ९८४१७९५६८७/९८४१३००७०४

विज्ञापनका लागि: ९८४१७९५६८७

Email : sunakharipati@gmail.com

© 2018 सुनाखरी पाटी. All Rights Reserved

Developed by : NCS.Technology | Powered by : NepBay Inc.