एस्टन भिल्लासँग आर्सनलको हार

• १४१
• आइतबार, २४ मंसिर २०८०

काठमाडौं । प्रिमियर लिग फुटबलमा आर्सनलले एस्टन भिल्लासँग हार ब्यहोरेको छ । शनिबार राति आर्सनलले एस्टन भिल्लासँग १–० को हार ब्यहोरेको हो ।

भिल्ला क्लबसँगको हारले आर्सनलले शीर्ष स्थानमा पुग्ने अवसर गुमाएको छ । एस्टन भिल्लाले भने शीर्ष स्थानको लिभरपुलसँगको दुरी २ अंकमा झारेको छ ।

भिल्ला क्लबकालागि जोन मेकगिनले विजयी गोल गरे । लियोन बेलीको क्रसलाई नियन्त्रणमा लिदै उनले बललाई पोस्टको दिशा दिएका थिए ।

खेलको अन्तिममा काइ हभार्ट्जको गोल रेफ्रीले हेन्ड बलको कारण देखाउँदै मान्यता दिएनन् ।

आर्सनलको सबै प्रतियोगिता लगातार ६ जितको यात्रामा पूर्णविराम लागेको छ ।

भिल्ला क्लब ३५ अंक जोड्दै तालिकाको तेस्रो स्थानमा उक्लिएको छ । शीर्ष स्थानमा पुग्ने अवसर गुमाएको आर्सनलको ३६ अंक छ । शीर्ष स्थानको लिभरपुलको ३७ अंक छ ।