बोडेमा मिनी फुडफेस्टिभल सँगै साँस्कृतिक कार्यक्रम तथा उपत्यकाव्यापी धिमय् प्रतियोगिता हुने

• १३६
• मंगलवार, १३ चैत्र २०८०

भक्तपुर : नयाँ बर्ष तथा विस्का जात्राको अवसरमा भक्तपुरको बोडेमा मिनी फुडफेस्टिभल सँगै साँस्कृतिक कार्यक्रम तथा उपत्यकाव्यापी धिमय् प्रतियोगिता हुने भएको छ । मध्यपुर थिमि नगरपालिकाको आयोजना तथा लाकुछेँ धिमय् गुठी खपला धिमय् गुठीको सहकार्यमा उपत्यकाव्यापी धिमय् बाजा प्रतियोगिता तथा संस्कृति मेला हुने भएको हो ।
आज पत्रकार सम्मेलन गरि प्रतियोगिता चैत २६ गते मध्यपुर थिमि ८को लायकुमा हुने आयोजकले जनाएको छ । ।
प्रतियोगिता संयोजक दिलकृष्ण प्रजापतिले धिमय् प्रतियोगितासँगै हुने संस्कृति मेलाले बोदेको इतिहास झल्काउन सहयोग पुग्ने बताए । पहिलोपटक बोडेमा ऐतिहासिक काम हुन लागेको उल्लेख गर्दै उनले मेलामा २५ स्टल रहने र सो मेलामा मिनी फुड फेस्टिबल, तस्बिर प्रदर्शनीसमेत हुने बताए ।
प्रतियोगितामा प्रथम पुरस्कार ५० हजार नगद, दोस्रोलाई २५ हजार, तेस्रोलाई १५ हजार र सान्त्वना स्थान प्राप्त गर्ने टोलीलाई १० हजार नगदसहित शिल्ड र प्रमाणपत्र प्रदान गरिनेछ ।